काठमाडौं । वीर अस्पतालले रात्रिकालीन फार्मेसी सेवा सञ्चालनमा ल्याएको छ । चार वर्षदेखि बन्द रहेको रात्रिकालीन फार्मेसी सेवा आइतबारदेखि सञ्चालनमा ल्याएको हो ।

रातिको समयमा आकस्मिक सेवा लिन आउने बिरामीले फार्मेसी सेवा लिन निजीमा जानुपर्ने बाध्यता अबदेखि हटेको छ । बिरामीले फार्मेसी सेवा आजदेखि २४ घण्टा फार्मेसी सेवा सुरु गरेको अस्पताले जनाएको छ ।

पहिलो दिन रात्रिकालीन फार्मेसीमा राजु केसी र लक्ष्मण चिल्वालले सेवा दिइरहेका छन् । जनशक्ति अभाव हुदाँ विसं २०७३ माघ १० गतेबाट अस्पतालले रात्रिकालीन सेवा बन्द गरेको थियो ।