काठमाडौं । प्रधानन्यायाधीश चोलेन्द्रशमशेर जबराले नेपालको संविधानले प्रत्याभूत गरेको स्वतन्त्र, निष्पक्ष र सक्षम न्यायपालिका तथा विधिको शासनको सुनिश्चित गर्न आफु प्रतिवद्ध रहेको बताएका छन् ।

उनले सहज पहुँचयुक्त न्याय प्रणालीको स्थापना र विकासमा पनि आफु प्रतिवद्ध रहेको उल्लेख गरे ।

कानून दिवस, २०७८ का अवसरमा आज शुभकामना सन्देश जारी गर्दै प्रधानन्यायाधीश राणाले यस दिवसले न्याय, समानता र विधिको शासनको प्रत्याभूतिका लागि क्रियाशील रहन सबैमा थप हौसला र प्रेरणा प्रदान गर्ने विश्वास व्यक्त गरे ।

यो दिवस कानून र न्याय क्षेत्रका लागि मात्र नभई सबै क्षेत्र र नागरिकको तहसम्म पनि त्यत्तिकै महत्वपूर्ण भएकाले यसलाई राष्ट्रिय पर्वकै रुपमा मनाउन प्रधानन्यायाधीश राणाले आग्रह गरेका छन् ।

वि.सं. २००९ मा आजकै दिन प्रधान न्यायालय स्थापना भएको दिनको सम्झनामा हरेक वर्ष बैशाख २६ गते कानून दिवस मनाउने गरिन्छ ।