काठमाडौँ । नेपाली कांग्रेसका सभापति शेरबहादुर देउवाले पदाधिकारी बैठक बोलाएका छन् । उनले दिउँसो तीन बजे आफ्नै निवास बुढानीलकण्ठमा पदाधिकारी बैठक बोलाएका हन् ।

राष्ट्रपति विद्यादेवी भण्डारीले बिहीबारसम्म संविधानको धारा ७६ (२) अनुसार दुई वा दुईभन्दा बढी दलहरूको सरकार गठनका निम्ति आह्वान गरेकी छन् । राष्ट्रपतिले छोटो समय दिएकाले कांग्रेसको बैठक बस्न लागेको छ । पार्टीको पदाधिकारी बैठकपछि कांग्रेसले अन्य दलसँग छलफल गर्ने भएका छन् ।

प्रधानमन्त्री केपी शर्मा ओलीले सोमबार प्रतिनिधिसभाको विशेष बैठकबाट विश्वासको मत गुमाएसँगै कांग्रेस, नेकपा माओवादी केन्द्र र जनता समाजवादी पार्टी (जसपा)ले बहुमतीय सरकार गठनका निम्ति आह्वान गर्न राष्ट्रपतिसँग आग्रह गरेका थिए ।