काठमाडौँ । सिन्धुपाल्चोकको मेलम्ची नदीमा आएको बाढीमा बेपत्ता भएका ८ जनामध्ये एक जनाको शव भेटिएको छ । जिल्ला प्रशासन कार्यालयका सहायक प्रमुख जिल्ला अधिकारी बाबुराम खनालले हराएकामध्ये एक जनाको शव भेटिएको जानकारी दिएका हुन् ।

उनका अनुसार अन्य ७ जनाको शव खोजी कार्य जारी रहेको छ । उनले भने, ‘बाढीमा परी ८ जना सर्वसाधरण हराएका हुन्, त्यसमध्ये एक जनाको शव भेटिएको छ, बाँकी हराएकाहरूकाे खोजी कार्य भइरहेको छ ।’