काठमाडौँ । महिलामाथि कुटपिटको अभियोगमा आफूलाई अभियन्ता बताउँदै आएकी ज्वाला संग्रौलासहित ३ जना पक्राउ परेका छन् । काठमाडौँ प्रहरी कार्यालयका अनुसार उनीसँगै शर्मिला वाइबा र हिमाल उपाध्याय पक्राउ परेका हुन् ।

महानगरीय प्रहरी परीसरका प्रवक्ता प्रहरी उपरीक्षक रमेश बस्नेतका अनुसार खुश्बु घिमिरेले दिएको किटानी जाहेरीका आधारमा उनीहरुलाई अभद्र व्यवहारको कसूरमा अनुसन्धानका लागि पक्राउ गरिएको हो ।

संग्रौलामाथि ट्राफिक प्रहरी वृत्त महाराजगञ्जमा कार्यरत प्रहरी सहायक निरीक्षक मणिकान्त झालाई पनि दुर्व्यवहार गरेको आरोप रहेको छ । झालाई उनले रंगभेदी आरोप लगाउँदै दुव्र्यवहार गरेकी थिइन् ।