काठमाडौँ । नेपाल प्रहरीका १६ जना प्रहरी नायब महानिरीक्षक (डिआइजी) सरुवा भएका छन् । गृहमन्त्रालयले सोमबार सातै प्रदेशका प्रहरी प्रमुखको सरुवा गरेको हो ।

गृहले एक नम्बर प्रदेशमा अरुण बिसीको सरुवा गरेको छ । त्यसैगरी उमेश रञ्जितकारलाई २ नम्बर प्रदेशमा पठाएको छ ।

त्यस्तै ३ नम्बर प्रदेशमा प्रकाशजंग कार्कीलाई पठाएको छ । भने ४ नम्बर प्रदेशमा दिपेश लोहोनीलाई सरुवा गरेको छ भने ५ नम्बर प्रदेशमा मुकुन्द आर्चायलाई सरुवा गरेको छ । यसैगरि, ६ नम्बर प्रदेशमा गणेश ऐर र ७ नम्बर प्रदेशमा पुरुषोतम कँडेललाई सरुवा गरेको छ ।

यस्तै, बसन्त कुमार पन्त कर्णाली प्रदेश प्रहरी कार्यालय सुर्खेतबाट अख्तियार दुरूपयोग अनुसन्धानको कार्यालय टंगालमा सरूवा गरिएको छ । सुदूरपश्चिम प्रदेश प्रहरी कार्यालयबाट उत्तमराज सुवेदी काठमाडौँ उपत्यका प्रहरी कार्याल रानीपोखरीमा सरूवा भएका छन् ।