काठमाडौँ । उपप्रधान तथा अर्थमन्त्री विष्णुप्रसाद पौडेले उपप्रधान पद बदर भएको छ । सर्वोच्च अदालतले संसद विघटनपछि गरिएको मन्त्रिपरिषद विस्तार बदर गर्न गरेको आदेशसँगै उनी अर्थमन्त्रीमा सिमित भएका हुन् ।

गत जेठ २१ गते मन्त्रिपरिषद विस्तार हुँदा प्रधानमन्त्री केपी शर्मा ओलीले पौडेललाई उपप्रधान मन्त्रीसमेत बनाएका थिए । आज मंगलबार संसद विघटनपछि गरिएको मन्त्रिपरिषद विस्तार बदर भएसँगै उनको नाममा उपप्रधानमन्त्री उल्लेख गरेकामा सर्वोच्चले पछि सच्याएको छ ।

प्रधानन्यायाधीश चोलेन्द्र शमशेर र न्यायाधीश प्रकाशकुमार ढुंगानाको इजलासले गरेको आदेशमा पौडेल उपप्रधानमन्त्री कायम रहेको उल्लेख थियो । सर्वोच्च अदालतका अनुसार आदेशमा भूलवश पौडेललाई उपप्रधानमन्त्री लेखिए पनि सच्याइसकेको छ ।