काठमाडौँ । नेकपा एमालेको आन्तरिक विवाद समाधान गर्न गठित कार्यदलले १० बुँदे सहमति गरेको छ । बिहान साढे ९ बजेदेखि सुरु भएको बैठक १३ घण्टापछि १० बुँदे सहमति जुटाएको हो ।

आफुहरुले लामो प्रयास र छलफल पछि १० वुँदामा रहेर सहमति जुटाएको सहमति पछि नेताहरुले बताएका छन् ।

यद्यपि, यो सहमति कार्यदल स्तरको मात्रै हो । कार्यदलका सदस्यहरुले भोलि बिहान सहमति पत्र अध्यक्ष केपी ओली र नेता माधव नेपाललाई बुझाउने छन्।

सहमति पत्रलाई माधव नेपाल र प्रधानमन्त्री केपी ओलीले कुन रुपमा लिन्छन् भन्ने खुलेको छैन । तर नेपालले आफुलाई भेटन आफ्नै निवासमा आएका निकट केन्द्रीय सदस्यहरुलाई अदालतको निर्णयलाई प्रभावित पार्ने गरी कुनै सम्झौता नहुने र त्यो आफुले नगर्ने आफनो समुहको बटमलाइन नै भएको धारणा राखेका थिए ।

नेपाल समुहका केन्द्रीय सदस्यहरुले भने माधव नेपाल स्वयंलाई घात गर्ने वार्ता टोलीको सदस्य किन चाहियो ? वार्ता टोलीका सदस्य सार्वभौम होइनन्, उनीहरुले माधव नेपालको समूहलाई प्रतिनिधित्व गरेका हुन्, उनीहरुले आफनो कुरा होइन समुहको कुरा कार्यदलमा गर्नुपर्छ । त्यसो गदैनन र आफुखुसी गर्न खोज्छन भने त्यो कार्यदल किन चाहियो ? भन्दै प्रश्न उठाएका थिए ।

त्यसपछि भने नेपालले आत्मसम्मान गुमाएर नेता वन्नु भन्दा सामान्य मानिस भएर बस्नु ठिक हुन्छ भन्दै आफुले एकपटक बोलेको बचनमा प्रतिवद्ध रहेको धारणा राखेका थिए ।

कार्यदल तहमा सहमति भइरहदा नेपाल समुहमा भने विभाजन देखिएको छ । सहमति पत्रमा माधव नेपाल पक्षका रघुजी पन्तले भने हस्ताक्षर गरेका छैनन ।

उनले नेपाल सहमत नभई सहमति पत्रमा हस्ताक्षर गर्नुको अर्थ नरहेको भन्दै हस्ताक्षर नगरेका हुन् ।