काठमाडौं । नेपाली कांग्रेसको पदाधिकारी बैठक आज बिहान बस्दै छ । बैठकमा आसन्न १४ औं महाधिवेशनको तयारी र विवादित बनेको क्रियाशील सदस्यताका विषयमा छलफल हुने बताइएको छ ।

बैठक अहिले केहीबेरमा पार्टी सभापति शेरबहादुर देउवाको निवास बुढानीलकण्ठमा बस्न लागेको कांग्रेस केन्द्रीय कार्यालयका मुख्य सचिव कृष्णप्रसाद पौडेलले जानकारी दिए ।

प्रधानमन्त्री समेत रहेका सभापति देउवाले पार्टीका बैठक वालुवाटारस्थित प्रधानमन्त्रीको सरकारी निवासमा नराख्ने बताएसँगै बैठक बुढानिलकण्ठस्थित निजी निवासमा बस्न लागेको हो ।

पार्टी कार्यालयमा विभन्न माग राखेर कार्यकर्ता अनसनमा बसेपछि कांग्रेसलाई बैठक राख्न सकस भएको हो ।

कांग्रेसको १४ औं महाधिवेशन आगामी भदौ १६ देखि १९ गतेसम्म काठमाडौंमा गर्ने यसअघि नै तय भएको छ । यद्धपी निर्धारित कार्यतालिका अनुसार क्रियाशील सदस्यताको विवाद तोकिएको समयमा टुङ्ग्याउन नसक्दा कार्यतालिका प्रभावित हुने देखिएको छ ।