काठमाडौं । महानगरीय अपराध महाशाखाले काठमाडौंको ठमेलमा चिनियाँ नागरिकले सञ्चालन गरेको रक्सी फ्याक्ट्रीमा छापा मारेको छ । अवैध रुपमा घरेलु रक्सी बनाउने गरेको सूचना आएपछि महाशाखाले छापा मारेको हो ।

महाशाखाका अनुसार ५० लिटर दरका १५० ड्रम रक्सी, रक्सी बनाउन प्रयोग हुने मेसिन र एक चिनियाँ नागरिकलाई नियन्त्रणमा लिइएको हो ।

ती व्यक्तिले ठमेलको ज्याठामा एक घर भाडामा लिएर कारखाना चलाउँदै आएका थिए । उनले मेसिनबाटै घरेलु रक्सी बनाउने गरेको पाइएको छ ।