काठमाडौँ । सरकारले विश्व बैंकमार्फत प्रदान गरिने करिब १९ अर्ब ५८ करोड ऋण सहायता स्वीकृत गरेको छ । कोरोना नियन्त्रण गर्न विश्व बैंकले नेपाल सरकारलाई ऋण सहायता दिएको हो ।

मंगलबार बसेको मन्त्रिपरिषदको बैठकले ऋण सहायता स्वीकृत गर्ने निर्णण गरेको हो । यस्तै सरकारले नेपालमा खोप उत्पादन गर्न चाहने कम्पनीलाई अनुमति प्रदान गर्ने निर्णय गरेको छ । नेपालमा खोप उत्पादनका लागि प्रोत्साहित गर्दै अनुमति दिने निर्णय गरेको सरकारले जनाएको हो ।

विश्वका विभिन्न देशमा खोप उत्पादन गर्न आफ्नो देशमा अनुमति दिए जस्तै नेपालले पनि खोप उत्पादक कम्पनीलाई आकर्षित गर्ने नीति लिएको जनाएको छ ।