काठमाडौं । जनता समाजवादी पार्टी जसपाका अध्यक्ष उपेन्द्र यादवले महन्थ ठाकुरलाई पार्टी एकतामा आउन अपिल गरेका छन् । बिहीबार प्रेस विज्ञप्ति जारी गर्दै यादवले उनले ठाकुर पक्षलाई जसपामा नै फर्कन अपिल गरेका छन् ।

विज्ञप्तिमा भनिएको छ, ‘देशमा समाजवादी लोकतान्त्रीक विचार बोकेको वैकल्पिक राजनीति शक्ति निर्माण कार्यलाई मुक्तरुप दिन अहिले पनि गम्भीर रुपले लाग्नु जरुरी छ । यो यथार्थतालाई आत्मसाथ गर्दै विगतमा निर्वाचन आयोगले पार्टीबारे आधिकारिकता सम्बनधी निर्णय गर्नुभन्दा पूर्व कुनै कारणले पार्टीबाट अलग हुन पुग्नु भएका वा अन्यन्त्र अलमलमा पुर्न भएका पार्टीका सम्पुर्ण सार्थीहरुलाई कतै अलमलमा नपरी बीना हिचकिचाहट जनता समाजवादी पार्टी, नेपालमा नै पुनः फर्किएर अग्रगमन र वैकल्पिक शक्ति निमार्णको महान अभियानमा साथ साथै अगाडि बढ्नु हुन हार्दिक अपिल गरिन्छ ।’

यादवले जसपाका नेता तथा कार्यकर्तालाई पार्टी एकताको पक्षमा रहेन आग्रह गरेका छन् । निर्वाचन आयोगले जसपाको आधिकारिकता यादव पक्षलाई दिएपछि ठाकुर पक्ष नयाँ पार्टी खोल्ने तयारीमा लागेको छ ।