काठमाडौँ । सरकार सञ्चालनको न्युनतम साझा नीति तथा कार्यक्रम सार्वजनिक भएको छ । आइतबार गठबन्धनमा आबद्ध शीर्ष नेताहरुको उपस्थितिमा प्रधानमन्त्री तथा मन्त्रिपरिषद् कार्यालयमा पत्रकार सम्मेलन गरी सरकारको न्यूनतम साझा कार्यक्रम सार्वजनिक गरिएको हो ।

कार्यक्रममा स्वास्थ्य सामग्री खरिदमा भएको अनियमितताको छानबिन गर्ने जनाएको छ । यस्तै, अनियमिततामा संलग्न दोषी देखिएका व्यक्ति तथा संस्थालाई कारबाही गर्ने उल्लेख गरिएको छ ।

कार्यक्रमले कोरोना भाइरस महामारीका कारण जोखिममा परेको उद्योगहरूको ब्याज मिनाह गर्ने जनाएको छ ।