काठमाडौं । विघटित भूमि आयोगका अध्यक्ष देवी ज्ञवाली सर्वोच्च अदालत गएका छन् । सरकारकोे भूमि आयोग खारेज गर्ने निर्णयविरुद्ध रिट दायर गर्न ज्ञवाली आइतबार सर्वोच्च अदालत गएका हुन् ।

रिटमा मौलिक हकविरुद्ध रहेको भन्दै उनले भूमि सम्बन्धी समस्या समाधान गर्न बनेको आयोग खारेजीको निर्णय बदर गर्न माग गरेका छन् ।

शुक्रबार पनि आयोग खारेजीविरुद्ध सर्वोच्चमा रिट दायर भएको थियो । भूमि आयोग खारेज गर्ने निर्णयविरुद्ध एमाले निकट युवा संघ र सुकुमबासीले आन्दोलन गर्दै आएका छन् ।