काठमाडौं । नेकपा एमालेमा शरीर र मन माधव नेपाल नेतृत्वको नेकपा एकीकृत समाजवादीमा रहेका नेकपा एमालेका दुई सांसदले माधव नेपालको पार्टी रोज्न पाउने भएका छन् । उनीहरुले त्यसरी पार्टी रोज्दा उनीहरुको सांसद पद नगुम्ने सर्वाेच्च अदालतले अन्तरिम आदेश दिएको छ ।

एमालेका सांसद सोमप्रसाद पाण्डे र शारदादेवी भट्टले एमाले छोडेर नेकपा एकीकृत समाजवादी रोज्न पाउने गरी सर्वाेच्चले अन्तरिम आदेश दिएको हो ।

न्यायाधीश ईश्वर खतिवडा र नहकुल सुवेदीको संयुक्त इजलासले त्यस्तो आदेश दिएको हो ।

सनाखतका क्रममा आयोगले उनीहरुले सनाखत गर्न नपाउने वताएपछि उनीहरु एमालेमै अड्किएका थिए । त्यसपछि उनीहरुले आफुहरुले नकेपा एकीकृत समाजवादी रोज्न पाउनु पर्ने माग सहित सर्वाेच्च अदालतमा रिट दर्ता गराएका थिए । सोही रिटमा आज सर्वाेच्चले रोज्न पाउने गरी अन्तरिम आदेश दिएको हो ।

सर्वाेच्चको आदेश