काठमाडौँ । नेकपा एमालेका महासचिव ईश्वर पोखरेलले एमाले व्यवस्थित नभए थप कठिन अवस्था आउने बताएका छन् । काठमाडौँमा आयोजित कार्यकर्ता प्रशिक्षण कार्यक्रममा बोल्दै उनले यस्तो बताएका हुन् ।

‘केन्द्रदेखि जिल्लासम्म नेतृत्व पंक्ति सही रुपमा आउनु आवश्यक रहेको छ,’ उनले भने, ‘हामी एकताको पक्षमा छौँ, एकताको पक्षमा रहेका हामी सबैलाई ठूलो चुनौती आएको छ ।’

उनले एमाले संविधान र विधिभन्दा माथि जान नसक्ने बताउँदै सोहीअनुरुप काम गर्ने बताए

‘हामी जनतासँग रहनु पर्छ, यदि जनतासँग टाढा भयौँ भने पार्टी रहला तर हामीसँग शक्ति रहँदैन,’ उनले भने, ‘यस्तो अवस्थामा हामीसँग केही रहँदैन ।’