काठमाडौँ । नेकपा एकीकृत समाजवादीका अध्यक्ष माधव कुमार नेपालले पार्टीको केन्द्रीय कमिटी बैठकले तरङ्ग पैदा गरेको बताएका छन् ।

पत्रकारसँग बोल्दै उनले बैठकमा युवाहरू ठूलो मात्रामा उपस्थित हुँदा पार्टी थप मजबुद भएको बताए । ‘पार्टीको केन्द्रीय कमिटी बैठकमा उपस्थित हुन पाउँदा खुसी लागेको छ, बैठकमा युवाहरूको आकर्षण राम्रो रहेको छ,’ उनले भने, ‘अब नयाँ पार्टीले नयाँ उचाई लिन्छ ।’

उनले नेकपा एमालेप्रति लक्षित गर्दै व्यवहारमा मात्रै कम्युनिष्ट आँचरण देखाएको ठाउँबाट मुक्त हुनु ठूलो उपलब्धि भएको बताए । उनले एक क्रान्तिकारी धारसहित इमान्दारिता र निष्ठा बोकी देश र जनताप्रति केन्द्रीत भएको पार्टीमा हुन पाउँदा खुसी लागेको बताएका थिए ।