काठमाडौँ । प्रमुख प्रतिपक्ष दल नेकपा एमालेको अवरोधबीच राष्ट्रिय सभामा विनियोजन विधेयक २०७८ टेबुल भएको छ । मंगलबारको बैठकमा प्रमुख प्रतिपक्षी दल एमालेका सांसदले विरोध गरेका थिए ।

राष्ट्रिय सभाका सचिव राजेन्द्र फुयालले प्रतिनिधिसभाबाट सन्देशसहित प्राप्त भएको ‘विनियोजन विधेयक, २०७८’ राष्ट्रिय सभा समक्ष टेबुल गरेका थिए । बैठकको प्रारम्भमा बोल्दै एमालेका तर्फबाट राष्ट्रिय सभा सदस्य देवेन्द्र दाहालले सरकारले लोकतन्त्र र पार्टीलाई कमजोर बनाउन राजनीतिक दलसम्बन्धी अध्यादेश ल्याएको र अध्यादेश लागु गराउन सभामुखको भूमिका हुनु गलत भएको बताएका थिए ।

उनले एमालेले कारबाही गरेका सांसदको सूचना सभामुखले हालसम्म टाँस नगरेको भन्दै बैठकमा अवरोध जारी राख्ने बताएका थिए ।