काठमाडौं । नेपाली कांग्रेसका उपसभापति विजयकुमार गच्छदारले ललिता निवास प्रकरणमा तानेर आफ्नो राजनीतिक जीवन समाप्त पार्न लागिपरेको बताएका छन् ।

बुधबार पत्रकार सम्मेलन गर्दै उनले संवैधानिक आयोग नै प्रतिशोधमा उत्रिएको बताएका हुन् । उनले अख्तियारले शीर निहुर्याएर मुद्दा सर्वोच्च अदालत लगेको बताए ।

‘करिब डेढ वर्षको मौनतापछि तपाईंहरुसामु उभिएको छु । मेरो आधा शताब्दी लामो राजनीतिक करियरमा आक्रमण गरी ध्वस्त पार्ने प्रयास भयो । ललिता निवास प्रकरणमा तानेर मेरो राजनीति समाप्त पार्ने प्रयास भयो,’उनले भने ।

अख्तियारले गैरकानुनीरुपमा मलाई मुद्दा चलाएको छ । जीवनभर स्वतन्त्रताका लागि लडेको ममाथि झुठा मुद्दा लगाएर राजनीति ध्वस्त पार्ने काममा अख्तियार नै लागेको उनको भनाई छ ।