काठमाडौँ । नेकपा एमालेका अध्यक्ष केपी शर्मा ओलीले आफ्नो विकासको काम देखेर सरकारबाट हटाएको बताएका छन् । पार्टीको उपत्यका विशेष प्रदेश कमिटीद्वारा आयोजित बृहत् भेलालाई सम्बोधन गर्दै उनले आफू सरकारमा हुँदा जहाँतही विकास भएकाले हटाएको बताए ।

‘सम्मानीय प्रधानमन्त्री शेरबहादुर देउवा जी हामीले बनाइदिएको नयाँ घरमा सर्दै हुनुहुन्छ,’ उनले भने, ‘मलाई खुसी लाग्छ, हामीले बनाइदिएको घरमा उहाँले उद्घाटन गर्नु हुनेछ, रिबन काट्नु हुनेछ, बत्ती बाल्नु हुनेछ ।’

भेलामा बोल्दै उनले आफूहरूको उद्देश्य देशबाट गरिबी हटाउने भएको बताए । उनले देशबाट गरिब हटाउन लागिपरेकाले सत्ताबाट हट्नु परेको बताएका थिए ।