काठमाडौँ । नेकपा एमालेका स्थायी समिति सदस्य रामबहादुर थापा ‘बादल’ले नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’सँग चुनाव लड्ने बताएका छन् । उनले प्रचण्डको विपक्षीमा आगामी निर्वाचनमा लड्ने बताएका हुन् ।

प्रेस चौतारी चितवनले आज आयोजना गरेको पत्रकार सम्मेलनमा बोल्दै उनले पार्टीले निर्णय गरे आफू प्रचण्डविरूद्ध चुनाव लड्ने बताएका हुन् । उनले भने, ‘चुनाव घोषणा भएपछि पार्टीले निर्णय गर्छ, त्यो स्थितिमा प्रचण्ड भर्सेज बादल हुन सक्छ ।’

यस्तै उनले प्रचण्डले राष्ट्रियता र समाजवादको लाइन छाडे पनि आफूहरूले नछाडेको बताएका थिए । उनले प्रचण्ड पार्टीको लाइन छाडेर गुट बनाउन लागेको आरोप लगाए ।