काठमाडौं । प्रधानमन्त्री शेरबहादुर देउवा र नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’बीच भेटवार्ता भएको छ । प्रधानमन्त्रीको सरकारी निवास बालुवाटारमा दुई नेताबीच भेटवार्ता भएको हो । भेटमा मनित्रपरिषद् विस्तारका विषयमा केन्द्रीत रहेर कुराकानी भएको वताइएकाे छ । प्रधानमन्त्रीसँग भेटपछि अहिले नै माओवादी केन्द्रको स्थायी कमिटी बैठक पार्टी केन्द्रीय कार्यालय कोटेश्वर पेरिसडाँडामा बस्दैछ ।

मन्त्रीहरुको सम्भावित नाम र अखिल क्रानितकारीको सम्मेलन र नेतृत्वका विषयमा स्थायी कमिटी बैठकमा छलफल हुने बताइएको छ ।

तर प्रधानमन्त्री देउवा र माओवादी अध्यक्ष प्रचण्डबीच मन्त्रिपरिषद् विस्तारमा पनि सपथ ग्रहण सम्वन्धि कानुनका विषयमा केन्द्रीत रहेर कुराकानी भएको बताइएको छ । परराष्ट्रमन्त्री नारायण खडकाले खाएको सपथ नमिलेको भन्दै सर्वाेच्चमा रिट परेको अब स्थामा प्रचण्ड र प्रधानमन्त्रीबीच त्यस विषयमा समेत कुराकानी भएको हो ।

अधिवक्ता विशाल न्यौपानले संविधान बमोजिम कानुन नबनेको भन्दै कानुन नबनाई कसैले मन्त्रीको हैसियतमा सपथ नगर्न–नगराउन अन्तरिम आदेशको माग गदै सर्वाेच्चमा रिट हालेका थिए । यस विषयमा पनि दुई नेताबीच छलफल भएको हो ।