काठमाडौँ । सभामुख अग्निप्रसाद सापकोटाविरुद्धको मुद्दा संवैधानिक इजलासमा सुनुवाइ हुँदैछ । उक्त मुद्दामा बुधबार सुनुवाइ जारी रहेको छ ।

प्रधानन्यायाधीश चोलेन्द्रशमशेर जबरा नेतृत्वको संवैधानिक इजलासमा न्यायाधीशहरु दीपककुमार कार्की, मीरा खड्का, हरिकृष्ण कार्की र ईश्वरप्रसाद खतिवडा छन् । यसअघि १६ भदौमा पेशीमा चढेको यो मुद्दा हेर्न नभ्याइनेमा परेको थियो ।

सशस्त्र द्वन्द्वकालमा काभ्रेका अर्जुन लामाको हत्यामा संलग्न भएको सापकोटालाई आरोप लागेको छ । सभामुख सापकोटोविरुद्ध लामाकी पत्नी पूर्णिमायाले सर्वोच्च अदालतमा उजुरी गरेकी थिइन् ।