काठमाडौँ । प्रतिनिधि सभाको बैठकमा नेकपा एमालेले अवरोध कायमै राखेको छ । बिहीबार सुरु भएको बैठकमा एमालेले संसद् बैठक अवरोध कायमै राखेको हो ।

एमालेको अवरोध र नाराबाजीको बीच सभामुख अग्निप्रसाद सापकोटाले राष्ट्रपति विद्यादेवी भण्डारीले राजनीति दल विभाजन सम्बन्धिको अध्यादेश खारेज गरेको पढेर सुनाएका थिए । यस्तै सभामुख सापकोटाले राष्ट्र ऋण उठाउने र आर्थिक विधेयक प्रमाणीकरण गरेको पढेर सुनाएका थिए ।

आज बसेको प्रतिनिधि सभा यही असोज १९ गतेसम्मका लागि स्थगित भएको छ । भदौ २३ गतेबाट सुरु भएको प्रतिनिधि सभाको बैठकमा एमालेले अवरोध गदै आएको छ । संसद्को अवरोध हटाउन प्रधानमन्त्री शेर बहादुर देउवाले बोलाएको सर्वदलीय बैठकमा एमालेले बहिष्कार गरेको थियो ।