काठमाडौँ । नेकपा माओवादी केन्द्रका अध्यक्ष पुष्पकमल दाहाल प्रचण्डले माओवादी क्रान्ति पुरा नभएको बताएका छन् । माओवादीनिकट सहिद प्रतिष्ठान नेपालको साधारणसभालाई बिहीबार सम्बोधन गर्दै प्रचण्डले माओवादी क्रान्ति पूर्ण नभएकाले सहिद, बेपत्ता, घाइते तथा अपांग भएकालाई राज्यको तर्फबाट जति सहयोग हुनुपर्ने त्यति नभएको बताए ।

प्रचण्डले देउवा नेतृत्वको गठबन्धन सरकारले माओवादी युद्धमा मृत्युवरण गरेकाहरुलाई चाँडै राष्ट्रिय सहिद घोषणा गर्न लागेको बताए । उनले आफू प्रधानमन्त्री हुँदा क्याबिनेटको पहिलो निर्णयले जनयुद्धका सहिदलाई राष्ट्रिय सहिद घोषणा गर्ने निर्णय गरेपनि जालझेलपूर्वक उक्त निर्णयको प्रतिलिपि गायब पारिएको बताए ।