काठमाडौं । पैगम्बर मोहम्मदको कार्टुन बनाएका लार्स विल्क्सको सडक दुर्घटनामा परी मृत्यु भएको छ ।

स्वीडेनका कलाकार लार्स पैगम्बर मोहमदको कार्टुन बनाएर विश्वमै चर्चामा आएका थिए । उक्त कार्टुनमा उनले एक कुकुरको शरीर बनाएका थिए र उक्त कुकुरमाथि पैगम्बर मोहम्मदको शीर लगाएका थिए ।

प्रहरीको गाडीमा सवार लार्स उक्त गाडी दुर्घटनामा परी मृत्यु भएको हो । दक्षिणी स्वीडेनको मारकरद शहरमा उनी चढेको प्रहरी भ्यान ट्रकसँग ठोक्किएको थियो । उक्त दुर्घटनामा परी सुरक्षाकर्मीको पनि मृत्यु भएको छ ।

पैगम्बर मोहम्मदको कार्टुन बनाएपछ थुप्रै धम्कीहरु आएपछि विल्सलाई सुरक्षाकर्मी दिइएको थियो ।

७५ वर्षका विल्क्सले बनाएको उक्त कार्टुन सन् २००७ मा डेनमार्कको एक पत्रिकामा छापिएको थियो ।