काठमाडौं । निवर्तमान अमेरिकी राष्ट्रपति डोनाल्ड ट्रम्पले आफ्नो ट्वीटर खाता खुलाउन माग गरेका छन् ।

अमेरिकी राष्ट्रपतीय चुनाव हुँदा गत वर्ष ट्वीटरले बन्द गराइदिएको खाता खुलाउन माग गर्दै उनले अमेरिकी अदालतमा मुद्दा दायर गरेका छन् ।

अमेरिकी जिल्ला अदालत फ्लोरिडामा उनले आफ्नो खाता रिस्टोर गर्नुपर्ने माग गर्दै मुद्दा दिएका हुन् ।

सन् २०२१ को जनवरीमा ट्विटरसँग अन्य सामाजिक सञ्जालहरुले ट्रम्पको व्यक्तिगत खातामा ब्लक गरिदिएका थिए । ट्रम्पले चुनाव हारेपछि भएको हुलदंगालाई उत्तेजित पारेको भन्दै ट्रम्पको खाता बन्द भएको थियो ।

ट्रम्पका वकिलले ट्वीटरले शक्ति र नियन्त्रणको अधिक उपयोग गर्दै राजनीतिक विषयमा कैँची लगाउन खोजेको आरोप लगाएका छन् ।