सुनसरी । नेपाली काँग्रेसका उपसभापति बिजयकुमार गच्छदारले गृह जिल्ला पुगेर ललिता निवास जग्गा प्रकरणमा आफूले हिनामिना गरेको प्रमाणित भएमा फाँसीमा झुण्डिन तयार रहेको बताएका छन् ।

बुधबार गृहजिल्ला सुनसरीको बर्जु गाउँपालिकामा आयोजित एक कार्यक्रममा बोल्दै गच्छदारले सो जग्गा प्रकरणमा आफूले एक पैसा पनि हिनामिना नगरेको दावी गरे ।

‘एक पैसा मात्रै आफूले हिनामिना गरेको कसैले प्रमाणित गरे फाँसीमा झुण्डिन तयार छु ।’ उनले भने ।

‘मेरो चुनौति छ कि मैले मेरो देशको सार्वजनिक सम्पत्ति एक लाल पैसाको सम्पत्ति पनि हिनामिना गरेको छैन । म निष्कलंक छु । ममाथि राजनीतिक प्रतिशोध राखेर अख्तियारमा मुद्धा चलाइएको हो ।’– गच्छदारले भाषणमा भने ।

उपसभापति गच्छदारले केपी ओली नेतृत्वको सरकारले आफू काँग्रेसमा प्रवेश गरेपछि प्रतिशोध साँधेर अख्तियार दुरुपयोग अनुसन्धान आयोगमा मुद्धा दर्ता गराएको आरोप समेत लगाए ।

आफू निश्कलंक रहेको पनि गच्छदारले पटक–पटक दोहो¥याएका थिए ।