काठमाडौँ । नेकपा एकीकृत समाजवादीको स्थायी कमिटी बैठक बस्दैछ । बैठक बिहान १० बजे नयाँबानेश्वरस्थित अर्पण बैंक्वेटमा बस्ने नेता विरोध खतिवडाले बताए । बैठकले पार्टीका तर्फबाट मन्त्री हुने नेताहरुको नाम टुंगो लगाउने बताइएको छ ।

एकीकृत समाजवादीले निश्चित मापदण्डका आधारमा मन्त्री छनोट गर्ने बताएको छ । उक्त पार्टीबाट विरोध खतिवडाको नेतृत्वमा मेटमणि चौधरी, रामकुमारी झाँक्री, प्रेम आलेलाई मन्त्री बनाउने चर्चा छ ।

यसैबीच नेकपा एमालेका केन्द्रीय सदस्य भानुभक्त जोशी एकीकृत समाजवादीमा प्रवेश गर्दैछन् । एमालेबाट राजीनामा दिएर जोशी एकीकृत समाजवादीमा प्रवेश गर्न लागिएको नेता खतिवडाले जानकारी गराए । पुर्व वन मन्त्री समेत रहेका जोशीलाई अध्यक्ष माधव कुमार नेपालले पार्टी प्रवेश गराउँदै छन् ।