काठमाडौं । प्रधानमन्त्री शेरबहादुर देउवा नेतृत्वको मन्त्रिपरिषदले शुक्रबार पूर्णता पाउँदै गर्दा गैरसांसद गजेन्द्र हमाललाई उद्योग मन्त्री बनाइएको छ ।

प्रधानन्यायाधीस चोलेन्द्र शम्शेर जबराको नातेदार हमाललाई प्रधानमन्त्री देउवाले उद्योगमन्त्री बनाएका छन् । २५ सदस्यीय मन्त्रिपरिषदलाई पूर्णता दिँदा गैरसांसद हमाललाई मन्त्री बनाइएको छ ।

गैरसांसद मन्त्री बनेको अवस्थामा छ महिनाभित्र जनताबाट अनुमोदित हुनुपर्ने, नभए पदमुक्त हुने संवैधानिक व्यवस्था छ ।

त्यस आधारमा अहिले मन्त्री बनेका हमाल आगामी छ महिनाभित्र संघीय संसद्‌को सदस्यमा निर्वाचित हुनुपर्नेछ । संसद सदस्यमा निर्वाचन नभएमा भने उनी पदमुक्त हुनेछन् ।

यसअघि नै प्रधानन्यायाधीस जबराले पनि मन्त्रीको कोटा मागेको चर्चा चलिरहँदा राणाले आफूले कुनै मन्त्री नमागेको स्पष्टीकरण दिएका थिए ।
शुक्रबार नै सरकारका प्रवक्ता ज्ञानेन्द्रबहादुर कार्कीले मन्त्रिपरिषदमा प्रधानन्यायाधीशले भाग नमागेको दाबी गरेका थिए ।

शुक्रबार बसेको प्रतिनिधिसभाको बैठकमा उनले प्रधानन्यायाधीश राणाले मन्त्रिपरिषद्मा भाग मागेको भन्ने विषयमा कुनै सत्यता नभएको बताएका थिए ।

बैठकमा नेपाल मजदुर किसान पार्टीका सांसद प्रेम सुवालले प्रधानन्यायाधीशले सरकारमा भाग मागेको भन्ने सूचना आएको भन्दै सरकारको ध्यानाकर्षण गराएका थिए ।