काठमाडौँ । साफ च्याम्पियनसिपमा राष्ट्रिय फुटबल टिमका मुख्य प्रशिक्षक अब्दुल्लाह अल्मुताइरी कुवेत प्रस्थान गरेका छन् । उनी नेपाली टोलीसँग नेपाल नआई कुवेत प्रस्थान गरेका हुन् ।

प्रशिक्षक अल्मुताइरी माल्दिभ्सबाट कतार हुँदै आफ्नो घर कुवेत गएका हुन् । नेपाली टिम सोमबार बिहान स्वदेश फर्किँदा उनी कतारको दोहासम्म सँगै गरेका थिए ।

अल्मुताइरीले साफको फाइनल खेल नेपालका लागि आफ्नो अन्तिम खेल भएको बताउँदै आएका थिए । तर, अखिल नेपाल फुटबल संघ (एन्फा) ले प्रशिक्षक अल्मुताइरी परिवारसँग केही समय बिताएर नेपाल फर्कने बताएको छ ।

प्रशिक्षक अल्मुताइरीको नेतृत्वमा नेपाल साफ च्याम्पियनसिपमा ऐतिहासिक पहिलोपटक फुटबलको फाइनल पुगेको हो । फाइनलमा नेपाल भारतसँग ३–० गोलले पराजित भएको थियो ।