कैलाली । कैलालीको टीकापुरमा बाघको आक्रमणबाट एक जना घाइते भएका छन् । घाइते हुनेमा टीकापुर नगरपालिका ५ नुक्लीपुर बस्ने बर्ष २२ का दिपक चौधरी घाइते भएका हुन् ।

साथीहरुसंग कर्णाली नदीमा पानी हेर्न जाने क्रममा बुधबार दिउँसो २ बजे टिकापुर पार्कको जङ्गल नजिक चौधरीलाई बाघले आक्रमण गरेको थियो ।

बाघको आक्रमणबाट चौधरीको दाहिने काधँमा दुईवटा प्वाल परेको जिल्ला प्रहरी कार्यालय कैलालीले जनाएको छ ।

घाइते चौधरीको टिकापुर अस्पतालमा उपचार भइरहेको जिल्ला प्रहरी कार्यालय कैलाली प्रवक्ता, प्रहरी नायव उपरीक्षक प्रतीक बिष्टले जानकारी दिए । उनका अनुसार अन्य चार जना भने सकुशल छन् ।