कैलाली । सुदूरपश्चिमको विभिन्न स्थानमा गएको बाढी, पहिरो तथा डुबान क्षेत्रको स्थलगत अवलोकन गर्न प्रधानमन्त्री शेरबहादुर देउवा डडेल्धुरा पुगेका छन् । उनी बाढी पहिरो प्रभावित क्षेत्र बझाङको थलारा, चैनपुर, डोटीको दिपायल, बैतडीको ढुंगाड निरीक्षणपछि डडेल्धुरा पुगेका हुन् ।

उनले त्यस ठाउँका जनप्रतिनिधि, सरोकारवालासँग र स्थानीयबासीसँग बाढी, पहिरो तथा डुबानका बारेमा जानकारी लिएका थिए । प्रधानमन्त्री देउवासँगै उक्त टोलीमा अर्थमन्त्री जनार्दन शर्मा, संस्कृति, पर्यटन तथा नागरिक उड्डयनमन्त्री प्रेम आले‚ नेपाली कांग्रेसका केन्द्रीय सदस्यहरू एनपी साउँद, रमेश लेखक र वीरबहादुर बलायर रहेका छन् ।

प्रधानमन्त्री देउवाले बिहीबार सुदूरपश्चिममा बाढी, पहिरो र डुबान क्षेत्रको स्थलगत अवलोकन गरिरहेका छन् ।