काठमाडौं । प्रधानन्यायाधीश चेलेन्द्रशमशेर जबराले सोमबारका लागि बोलाएको फूलकोर्ट बैठक न्यायाधीशहरुले बहिष्कार गर्ने भएका छन् ।

नेपाल बार एसोसिएसनका पदाधिकारीहरुसँग आइतबार भएको छलफलपछि प्रधानन्यायाधीस राणाले बार एशोशिएसन सहित सोमवार नै फूलकोर्ट बैठक बोलाएका छन् ।

चौध जना न्यायाधीशहरूको आइतबार बसेको बैठकले प्रधानन्यायाधीशले बोलाएको बैठकमा सहभागी नहुने निर्णय गरेको हो ।

प्रधानन्यायाधीश राणाले सोमबार अपरान्ह साढे १ बजेका लागि सर्वोच्च अदालतको फुलकोर्ट बैठक बोलाएका छन् ।

अदालतको फुलकोर्ट बैठक अन्य न्यायाधीशले बहिस्कार गर्ने भएपछि प्रधानन्यायाधीश जबरालाई ठूलो धक्का लाग्ने भएको छ ।

बारले प्रधानन्यायाधीश राणाकै कारण न्यायालय विवादमा परेको र यसले न्यायालयको गरिमामा आँच आएको कारण न्यायालय सुधारको काम तत्कालै शुरु गर्न माग गर्दै आएका छन् । बारले सोमवार मात्रै न्यायालय सुधार गर्न प्रधानन्यायाधीस राणालाई १५ दिने अल्टिमेटम समेत दिएको थियो ।

यो पनि पढ्नुस् ः

गोलाप्रथाका आधारमा पेशी तोक्न प्रधानन्यायाधीस सहमत