काठमाडौँ । विश्व चर्चित एप्पल कम्पनीलाई पछाडि पार्दै माइक्रोसफ्ट एकपटक पुनस् दुनियाँका सबैभन्दा भ्यालुएसन भएको कम्पनी बनेको छ । शुक्रबार माइक्रोसफ्टको बजार क्याप लगभग २.४६ ट्रिलियन डलर पुगेको हो ।

जबकि सोही दिन एप्पलको बजार क्याप २.४३ ट्रिलियन डलर रहेको थियो । एप्पलको चौथो त्रैमासिकको नतिजा सोचेअनुसार नआएका कारण यो परिवर्तन देखिएको हो ।

शुक्रबार एप्पलको शेयर २.२७ प्रतिशतले गिरावटका साथ १४९.१६ डलर रहेको थियो । सोही समयमा माइक्रोसफ्टको शेयर १.३४ प्रतिशतले वृद्धि भई ३२८.६९ डलर पुगेको थियो ।

सप्लाई प्रभावित हुँदा नोक्सान

चौथो त्रैमासिकमा एप्पल कम्पनीले उत्पादन गर्दै आएको आइफोन बिक्रीमा बढोतरी हुँदै आएको थियो । तर, पछिल्लो समयमा बिक्रीमा केही प्रभावित हुँदै आएको थियो ।

एप्पलका सिइओ टिम कुकले भने, ‘सप्लाई चेनको प्रभावित हुँदा कम्पनीलाई ६ अर्ब डलर राजस्व घाटा हुने अवस्था छ ।’

माइक्रोसफ्टको क्लाउड सेवाको माग उच्च

विश्वभर फैलिएको कोरोना भाइरस (कोभिड-१९) को महामारीमाा माइक्रोसफ्ट कम्पनीको क्लाउड बेस्ड सेवाको माग उच्च रहन पुग्यो । जसले गर्दा यस कम्पनीको बजार भ्यालुएसनमा यस्ता बढोतरी हुन पुगेको हो । एजेन्सी