गृहमन्त्रीलाई बरिष्ठ अधिवक्ताको टेलिफोन : सर्वोच्चमा भल्गर देखियो है बाबु !’

वरिष्ठ अधिवक्ता बद्रीबहादुर कार्कीले सिधै आधा घण्टामा सशस्त्र प्रहरी हटाउन गृहमन्त्रीलाई टेलिफोन गरेपछि अहिले सर्वाेच्चबाट शसस्त्र प्रहरी हटेको छ

मेरोन्यूज २०७८ कार्तिक २६ गते १२:१२

काठमाडौं । सर्वाेच्च अदालत परिसरमा प्रधानन्नायाधीस चालेन्द्र सम्शेर राणालाई प्रवेशमा रोक लगाउने भन्दै विहिवार नै नेपाल बार एसोसिएसनले थप संर्घषका कार्यक्रम घोषणा गरेको थियो । प्रधानन्यायाधीश चोलेन्द्रशमशेर जबराको राजीनामा माग गरिरहेका कानुन व्यवसायीमाथि प्रहरीले विहिवार धरपकड गरेपछि वारले प्रधानन्यायाधीसलाई सर्वाेच्च प्रवेशमा रोक लगाउने र शुक्रवारका सम्पूर्ण इजलास मा वहस पैरवी नगर्ने घोषणा गरेको थियो ।

त्यक्तिमात्र होइन, कानुन व्यवसायीहरूले सम्भवतः पहिलोपटक मुलुकको प्रधानन्यायाधीशमाथि भ्रष्टाचारको आरोप लगाउँदै सर्वोच्च परिसरमै ‘भ्रष्ट प्रधानन्यायाधीश राजीनामा देऊ ।’ भन्ने सम्मको नारा लगाएका थिए ।

बार आन्दोलनमा कडा भएर उत्रन थालेपछि विहानै देखि सर्वाेच्च परिसरमा शसत्रस् प्रहरी वाक्लो मात्रामा खटाईएको थियो । प्रधानन्यायाधीस राणाले पनि निवासवाटै आजका लागि आफुलाई इजलास नतोकी अन्य न्यायाधीसहरुलाई इजलास तोकर चोर वाटोवाट सर्वाेच्च अदालत परिसर प्रवेश गरेका थिए ।

प्रधानन्नायाधीसको पक्ष /विपक्षमै कानुन ब्यवसायीहरुले सर्वाेच्च परिसरको गेट अगाडी आन्दोलन गरेका थिए । त्यसक्रममा झडप हुादा प्रधानन्यायाधीसको वचाउमा पुगेका ५ जनालाई प्रहरीले प्रक्राउ समेत गरेको थियो । बारले भने मुल गेट अगाडी धर्ना दिएको थियो ।

इत्रतत्र जताततै वाक्लो मात्रामा सुरक्षाकर्मी त्यसमा पनि शसस्त्र प्रहरी देखेपछि धर्नास्थलवाटै एक जना वरिष्ठ कानुन ब्यवसायीले गृहमन्त्री बालकृष्ण खाँणलाई टेलिफोन गरे ।

ती वरिष्ठ अधिवक्ता थिए –बद्रीबहादुर कार्की ।

उनले बारका अध्यक्ष चण्डेश्वर श्रेष्ठकै अगाडी गृहमन्त्रीलाई धर्नास्थलवाटै फोन गरेर भने, -‘आधा घण्टाभित्र सर्वोच्च अदालत परिसरबाट सुरक्षाकर्मी हटाउनुस्, होइन भने राम्रो हुँदैन ।’

कार्कीले खाँणलाई यति धेरै सुरक्षाकर्मी प्रयोग ‘अनसिभिलाइज्ड देखिन्छ, सर्वोच्चमा भल्गर देखियो है बाबु ! भन्दै आधा घण्टामा सुरक्षाकर्मी फर्काउन भनेका थिए । ‘न्यायालय प्रहरी प्रशासन प्रयोग गरेर चलाउने होइन,’ वरिष्ठ अधिवक्ता कार्कीले मन्त्री खाँणलाई भने, ‘यति धेरै सुरक्षाकर्मी प्रयोग ‘अनसिभिलाइज्ड देखिन्छ, सर्वोच्चमा भल्गर देखियो है बाबु !, ’

त्यसपछि भने गृहमन्त्रीले शसत्रस्का प्रहरी महानिरीक्षकलाई टेलिफोन गरेर सुरक्षाकर्मी सर्वाेच्चबाट हटाउन निर्देशन दिएका थिए । अहिले सर्वाेच्च परिसरवाट सशस्त्र प्रहरी हटाईएको छ ।