काठमाडौँ । क्रियाशील सदस्यता विवादसहित विभिन्न कारणले रोकिएका नेपाली कांग्रेसको वडा अधिवेशन आजदेखि सुरु हुने भएको छ । गत भदौ १८ देखि सुरू भएको कांग्रेस वडा अधिवेशन केही जिल्लामा रोकिएका थिए ।

बाँकी रहेका जिल्लाको वडा अधिवेशन आजदेखि सुरू हुने नेपाली कांग्रेसको केन्द्रीय निर्वाचन समितिले जनाएको छ । आज डोल्पा, बाँके, कैलाली, सुर्खेत, सप्तरी, सिरहा, महोत्तरी, बारा, सोलुखुम्बु, दार्चुला, म्याग्दी जिल्लामा वडा अधिवेशन हुने भएको हो ।

यसैबीच तीन जिल्लाहरू सिन्धुपाल्चोक, पर्सा र सर्लाहीमा वडा अधिवेशन रोकिने भएको छ । वडा अधिवेशन सकिएपछि कांग्रेसले बाँकी रहेका गाउँ पालिका अधिवेशन गर्ने भएको छ ।

कांग्रेसले प्रदेश अधिवेशन मंसिर १६ र १७ गते र केन्द्रीय महाधिवेशन मंसिर २४ देखि २६ गतेसम्म गर्ने भएको छ । महाधिवेशन काठमाडौँमा हुने भएको छ ।