इरानसँगको वार्ताका लागि पाकिस्तानकाको इस्लामावाद आएका अमेरिकी उपराष्ट्रपति जेडी भान्स अमेरिकाका लागि विमान चढेका छन् ।

इस्लामावादमा इरानी र अमेरिकी प्रतिनिधिमण्डलबीच शनिबार रातभर चलेको वार्ता कुनै सम्झौता बिना नै टुंगिएको थियो।

उनले सञ्चारकर्मीसँग छोटो प्रतिक्रिया दिँदै इरानी पक्षसँग “गम्भीर र महत्वपूर्ण छलफल” भएको बताएका छन्। तर उनले थपे, “नकारात्मक कुरा के हो भने हामी कुनै सम्झौतामा पुग्न सकेनौँ। यो अवस्था अमेरिका भन्दा इरानका लागि बढी नराम्रो हो।”

वार्ताको नेतृत्व अमेरिकी उपराष्ट्रपति जेडी भान्सले गरिरहेका थिए । उपराष्ट्रपति भान्ससँगै राष्ट्रपति डोनाल्ड ट्रम्पका विशेष दूत स्टिभ विट्कफ र ज्यारेड कुश्नर सहभागी थिए।

इरानी टोलीको नेतृत्व इरानी विदेशमन्त्री अब्बास अराक्ची र संसदका सभामुख मोहम्मद बागेर गालिबाफले गरेका थिए ।

हर्मुजको जलडमरूको आवागमन , आणविक मुद्दालगायतका जटील विषयमा दुई देशका आ-आफ्ना कडा अडान रहेका छन् । जसले वार्ता निकै जटील रहेको देखाउँछ ।