इरानका विदेश मन्त्रालयका प्रवक्ता इस्माइल बघाईले इरानी सञ्चारमाध्यमसँग कुरा गर्दै अमेरिका–इरान वार्ताबारे प्रतिक्रिया दिएका छन्।

बघाईका अनुसार इरान र अमेरिकाबीच केही विषयमा “समझदारी” बनेको छ भने २–३ महत्वपूर्ण विषयमा अझै “मतभेद” कायम छ। उनले भने, “यी वार्ताहरू युद्धपछि ४० दिनको अवस्थामा र अविश्वास तथा शंकाको वातावरणमा भएका हुन्। त्यसैले सुरुदेखि नै एकै बैठकमा सम्झौता हुने अपेक्षा गर्नु स्वाभाविक थिएन। कसैले पनि यस्तो अपेक्षा गरेको थिएन।”

यसअघि पनि बघाईले वार्ताको सफलता विपक्षी पक्षको “गम्भीरता र सद्भावना” तथा इरानका वैध अधिकार र हितहरूको स्वीकारमा निर्भर रहने बताएका थिए।