काठमाडौं । नेकपा (एकीकृत समाजवादी)का नेता नेता झलनाथ खनालले जनताको बहुदलीय जनवाद (जबज) पार्टीको मार्गदर्शक सिद्धान्त बन्न नसक्ने बताएका छन् ।

पार्टीको दोस्रो केन्द्रीय समितिको बैठकमा बोल्दै खनालले पार्टीको मार्गनिर्देशक सिद्धान्तकोबारेमा स्पष्ट गरेका छन् ।

मार्क्सवाद–लेनिनवादलाई आजको वास्तविकतामा लागू गर्दै समाजवादी क्रान्ति र रूपान्तरणका कार्यदिशा, नीति र सिद्धान्तहरूको विकास गर्दै नेपाली क्रान्तिलाई अघि बढाउनुपर्ने उनको तर्क छ ।

खनालले नेपाली कम्युनिष्ट आन्दोलन र नेपाली क्रान्ति एउटा नयाँ मोडबाट अघि बढ्दै गरेको पनि जिकिर गरेका छन् ।

पाँचौ महाधिवेशनमा मदन भण्डारीले अघि सारेको जताको बहुदलीय जनवादको माग, नीति र सिद्धान्तलाई नेपालको संविधानमा पूर्ण रुपमा संस्थागत गरिएको भन्दै खनालले जबज भनेको पनि पूँजीवादी जनवादकै एउटा रुप भएको आफ्नो टिपोटमा उल्लेख गरेका छन् ।

आफ्नो ९ बुँदे धारणा सार्वज्निक गर्दै उनले पुँजीवादी जनवादी क्रान्ति सम्पन्न भई समाजवादी क्रान्ति र रूपान्तरणको नयाँ युगमा आएको बताएका छन् ।

खनालले माक्र्सवाद लेलिनवादलाई आजको वास्तविकतामा लागू गर्दै समाजवादी क्रान्ति र रुपान्तरणका कार्यदिशा, नीति र सिद्धान्तहरुको विकास गर्दै नेपाली क्रान्तिलाई अघि बढाउनुपर्ने बताएका छन् ।

एकीकृत समाजवादी केन्द्रीय समितिको दोस्रो बैठकमा खनालले राजनीतिक बैचारिक टिपोटका रुपमा सुझावहरु पेश गरेका छन् ।

पार्टीको सम्मानित नेताका रुपमा राजनीतिक टिपोटहरु प्रस्तुत गरेका उनले आफूहरुले बिद्रोह गर्नुपर्नाको कारण, माक्र्सवाद र वर्गीय लोकतन्त्रका ऐतिहासिक स्वरुपहरु, जबजको वर्गचरित्र तथा पार्टीले गर्नुपर्ने कामहरुलाई पनि बुँदागत रुपमा प्रस्तुत गरेका छन् ।

यस्तो छ, नेता खनालले पेश गरेको बैचारिक राजनीतिक टिपोटहरुः