काठमाडौँ । १४ औँ महाधिवेशनको तयारी गर्न नेपाली कांग्रेसको केन्दीय समिति बैठक बस्दैछ । बैठक दिउँसो १ बजे पार्टी सभापति तथा प्रधानन्त्री शेर बहादुर देउवाको निजि निवास बुढानिलकण्ठमा बस्ने कांग्रेस केन्दीय सदस्य किरण गिरीले बताए ।

मंसिर २४ देखि २६ गतेसम्म काठमाडौँमा हुने १४ औं महाधिवेशनको तयारीका लागि बैठक बस्न लागेको बताइएको छ । बैठकले राजनीतिक प्रतिवेदन, मूल व्यवस्थापन , खाना तथा आवास, प्रचार, मञ्च व्यवस्थापन , यातायात व्यवस्थापन लगायतका समिति गठन गर्ने कांग्रेसले जनाएको छ । यसअघि शनिबार बसेको पदाधिकारी बैठकले केन्द्रीय समिति बैठकबाट महाधिवेशनका लागि आवश्यक निर्णय लिने सहमति गरेको थियो ।