काठमाडौं । नेकपा (माओवादी केन्द्र)का पूर्व विधार्थी नेताहरु रन्जित तामाङ र उत्तम अधिकारीले माओवादीको विद्यार्थी विशेष महाशाखा समिति (विशेष जिल्ला समिति)को जिम्मेवारी पाएका छन् ।

तामाङ महाशाखा समिति अध्यक्ष र अधिकारी सचिव नियुक्त भएका हुन्।

तामाङ यसअघि माओवादी केन्द्र निकट विधार्थी संगठन अखिल (क्रान्तिकारी)का केन्द्रीय अध्यक्ष र अधिकारी केन्द्रीय महासचिव थिए। गत असोजमा सम्पन्न अखिल क्रान्तिकारीको राष्टिय सम्मेलनबाट तामाङ नेतृत्ववाट विदा हुँदै गर्दा अधिकारी भने अध्यक्षका प्रत्याशी थिए ।

हालै उनीहरु दुवैलाई माओवादी केन्द्रका अध्यक्ष पुष्पकमल दाहाल (प्रचण्ड)ले पार्टी केन्द्रीय सदस्य बनाउने बताएका थिए । तर यसको कार्यान्वयन पुस ११ देखि १३ सम्म हुने पार्टीको राष्टिय सम्मेलनबाट हुने वताईएको छ ।