चितवन । नेकपा (माले) चितवनमा सम्पन्न महाधिवेशनले पुनः सीपी मैनालीलाई नै पार्टी नेतृत्व चयन गरेको छ ।

चितवनमा भएको आठौं राष्ट्रिय महाधिवेशनले मैनालीलाई महासचिव चयन गर्दै ५९ सदस्य केन्द्रीय कमिटी घोषणा गरेको छ । आगामी पुसमा बस्ने बैठकले केन्द्रीय कमिटीलाई पूर्णता दिने सो पार्टीले जनाएको छ ।

विभाग, स्थायी कमिटी, पोलिटब्यूरो सदस्यहरू पनि सोही बैठकले चयन गर्ने जनाइएको छ ।

तत्कालिन नेकपा एमालेबाट छुट्टिएर नेकपा माले पुनर्गठन गरेका मैनाली ३० वर्षदेखि पार्टी नेतृत्वमा छन् ।

मालेले प्रदेश संरचना खारेज गरेर जिल्ला र पालिका तहलाई अधिकार सम्पन्न गराउने गरि संघीयता परिमार्जनको एजेण्डा तय गरेको छ ।