काठमाडौं । पेट्रोलियम पदार्थको मुल्यवृद्धिविरुद्ध मंगलबार नेपाल बन्दको आह्वान गरेको नेत्रविक्रम चन्द्र ‘विप्लव’ नेतृत्वको नेकपाले काठमाडौंसहित देशका विभिन्न ठाउँमा सोमवार साँझ मशाल जुलुस प्रदर्शन गरेको छ ।

इन्धनमा भएको मूल्यवृद्धि विरुद्ध आन्दोलन गर्दै आएको विप्लव समूहले सोमवार साँझ काठमाडौंसहित देशका विभिन्न शहरहरुमा मशाल जुलुस निकालेको छ ।

इन्धनमा भएको मूल्यवृद्धि विरुद्ध घोषित बन्दको पूर्व सन्ध्यामा सो समूहले मशाल जुलुस प्रदर्शन गरेको हो । विप्लव समूहले सोमवार साँझ काठमाडौंका डिल्लीबजारबाट छापामार शैलीमा मशाल जुलुस प्रदर्शन गरेको थियो । डिल्लीबजारबाट निकालिएको मशाल जुलस पुतलीसडक पुगेर तितरबितर भएको थियो ।

नेपाल आयल निगमले पछिल्लो पटक गत बुधबार रातीदेखि लागू हुने गरी खाना पकाउने ग्याससहित पेट्रोलियम पदार्थमा मूल्य बढाएको छ । मूल्यवृद्धि विरुद्ध सत्तारुढ दल निकट विद्यार्थीहरुसमेत आन्दोलित छन् ।