काठमाडौं । राष्ट्रिय प्रजातन्त्र पार्टी (राप्रपा) को सात वटै प्रदेशका अध्यक्ष निर्वाचित भएका छन् ।
पार्टीको महाधिवेशनअघि सबै प्रदेशमा भएको छुट्टाछुट्टै अधिवेशनबाट प्रदेश अध्यक्षहरु निर्वाचित भएका हुन् । आइतबारदेखि सात वटै प्रदेशमा एकैसाथ अधिवेशन शुरु भएको थियो ।
प्रदेश १ बाट राम थापा अध्यक्षमा निर्वाचित भएका छन् भने प्रदेश २ बाट भरत गिरी निर्वाचित भएका छन् ।
यस्तै, बाग्मति प्रदेशको अध्यक्षमा बिक्रमबहादुर थापा निर्वाचत भएका छन् भने गण्डकी प्रदेशबाट हेमजंग गुरुङ विजयी भएका छन् ।
यसैगरी लुम्बिनी प्रदेशको अध्यक्षमा प्रदीपकुमार उदय, कर्णाली प्रदेशमा दिपबहादुर शाही र सुदूरपश्चिम प्रदेशबाट धर्मराज जोशी निर्वाचित भएको राप्रपा महाधिवेशन प्रचारप्रसार समितिका संयोजक मोहन श्रेष्ठले बताए । थापा, शाही र जोशी सर्वसम्मत अध्यक्ष चुनिएका हुन् ।
प्रदेश १ मा राम थापाले भक्ति सिटौलालाई पराजित गरेका हुन् भने गण्डकीमा हेमजंगले मदनबहादुर कार्की र लुम्बिनीमा प्रदीप उदयले लुम्बिनी प्रदेशमा ऋषिराज सापकोटालाई पराजित गरेका थिए ।
राप्रपाको महाधिवेशन आगामी मंसिर ११, १२ र १३ गते काठमाडौंमा हुँदैछ ।