काठमाडौँ । प्रदेश १ का मुख्यमन्त्री राजेन्द्र राईले प्रदेशसभाबाट विश्वासको मत लिंदै छन् । उनले आज साढे १२ बजे बस्ने प्रदेशसभाको बैठकबाट विश्वासको मत लिन लागेका हुन् ।

राई गत कात्तिक १६ गते पाँच दलीय गठबन्धनको तर्फबाट मुख्यमन्त्रीमा नियुक्त भएका थिए । प्रदेश १ मा नेकपा एमालेको बहुमत घुमेपछि एमालेका भिम आचार्यले मुख्यमन्त्रीबाट राजीनामा दिएका थिए । उनले राजीनामा दिएपछि गठबन्धनको तर्फबाट राई मुख्यमन्त्रीमा नियुक्त भएका हुन् ।

संवैधानिक व्यवस्था अनुसार मुख्यमन्त्रीमा नियुक्त भएको एक महिनाभित्र प्रदेशसभाबाट विश्वासको मत लिनु पर्ने छ । ९३ जना प्रदेशसभा सदस्य रहेको प्रदेश १ मा बहुमतका लागि ४७ सांसदको आवश्यक पर्छ । प्रदेशसभामा गठबन्धनमा ५० सांसद छन् । यस्तै प्रमुख प्रतिपक्षी दल एमालेसँग ४० र राप्रपासँग एक सांसद छन् । सोमबार बसेको पाँच दलिय गठबन्धनको बैठकले राईको पक्षमा मतदान गर्ने निर्णय गरेको थियो ।