काठमाडौं । नेपाल कम्युनिष्ट पार्टीका महासचिव नेत्रविक्रम चन्द (विप्लव) राजनीतिक भेटघाटमा सक्रिय भएका छन् । माओवादी केन्द्रका अध्यक्ष प्रचण्डले माओवादी घटकहरु अव एक ढिक्का हुनुपर्ने वताईरहेका बेला हिजो शनिवार अध्यक्ष प्रचण्ड र कृष्णवहादुर महरासँग खुमलटारमा भेट गरेका विप्लवले आज विहान भने माओवादी केन्द्रकै बरिष्ठ नेता नारायणकाजी श्रेष्ठसँग भेट गरेका हुन् ।

श्रेष्ठको हात्तिवनस्थित निवासमा दुई नेतावीच भेट भएको हो । भेटमा पहिले नारायणकाजी श्रेष्ठसँगै माओवादीमा लागेका र पछि विप्लवसँग जोडिन पुगेका विप्लवका पार्टीका नेता सन्देश पौडेल पनि सँगै थिए ।

दुई नेताका वीचमा कम्युनिष्ट धुव्रिकरण र एकताका विषयमा केन्द्रीत रहेर कुराकानी भएको वताइएको छ ।