काठमाडौँ । नेकपा एमालेका नेता रामबहादुर थापा ‘बादल’ले देशी विदेशी षड्यन्त्रले नेकपा तीन टुक्रामा विभाजित हुन पुगेको बताएका छन् । चितवनको जारी पार्टीको १० औँ राष्ट्रिय महाधिवेशनको उद्घाटन सत्रमा बोल्दै उनले यस्तो बताएका हुन् ।

उनले आजको राष्ट्रिय राजनीतिको परिस्थित सहज नभएको बताउँदै जनादेशको सरकार अलोकतान्त्रिक विधि परमादेशबाट विस्थापित हुन परेको बताएका थिए । ‘मुलुकको व्यवस्थापिका जनादेशबाट हैन ठाडो अध्यादेशमार्फत सञ्चालित भइरहेको छ, देशको नीति निर्माण गर्ने संसद् अस्तव्यस्त छ,’ उनले भने, ‘मुलुकको न्याय व्यवस्थालाई सेटिङको माध्यमबाट भताभुङ्ग पारिएको छ, देशलाई पुनः अशान्ति, कुसंस्कार र भ्रष्टाचारको दुष्चक्रतर्फ लगिएको छ ।’

उनले एउटा पक्ष अग्रगमन समाजवादीमा र अर्को पक्ष पश्चगमन, दलाल पुँजीपतिको पक्षमा लागेको आरोप लगाए ।