काठमाडौँ । नेपाली कांग्रेसको १४ औँ महाधिवेशनअन्तर्गत दाङ जिल्लामा सभापति पदका लागि शुक्रबार चार जनाले नाम दर्ता गराएका छन् । संस्थापन पक्षधबाट तीन र संस्थापनइतरबाट एक गरी चार जनाले जिल्ला नेतृत्वको लागि नाम दर्ता गराएका हुन् ।

निर्वाचन समितिका अनुसार क्षेत्र नं. १ बाट जानकीलाल बस्नेत, क्षेत्र नं. २ बाट कमल किशोर घिमिरे र भुपबहादुर डाँगीले नाम दर्ता गराएका हुन् । उनीहरू तीनै जना संस्थापन पक्षका हुन् ।

त्यस्तै, संस्थापन इतरबाट दाङको क्षेत्र नं. ३ का शंङकर डाँगीले मात्रै मनोनयन दर्ता गराउनु भएको छ । उनी हालका जिल्ला सचिव रहेका छन् ।