काठमाडौँ । चितवनमा जारी नेकपा एमालेको १० औँ महाधिवेशनमा नयाँ नेतृत्व चयन गर्न मतदान जारी छ । बिहान ४ बजेदेखि सुरु भएको मतदानमा अहिलेसम्म करिब ८ सय मत खसेको छ ।

निर्वाचन समितिले राति ९ बजेदेखि बिहान १ बजेसम्म मतदानको समय तय गरे पनि बिहान ४ बजेदेखि मात्र मतदान सुरू भएको हो । मतदान गर्न रातभर जाग्राम बसेका प्रतिनिधिहरू बिहानैदेखि भोट हाल्न पुगेका थिए ।

यस क्रममा केही केही उम्मेद्वार लाइनमा बसेका मतदातासँग मत मागिरहेका छन् ।

अहिले अध्यक्ष, उपाध्यक्ष, सचिव र केन्द्रीय सदस्य पदका लागि मतदान हुँदै छ । अध्यक्षमा केपी ओली र भीम रावल चुनावी मैदानमा छन् ।

६ वटा पद भएको उपाध्यक्षमा सुवासचन्द्र नेम्वाङ, रामबहादुर थाप, घनश्याम भुसाल, अष्टलक्ष्मी शाक्य, विष्णु पौडेल, सुरेन्द्र पाण्डे र युवराज ज्ञवाली भिड्दै छन् ।

यस्तै, ७ सचिव पदमा टोपबहादुर रायमाझी, रघुवीर महासेठ, छविलाल विश्वकर्मा, लेखराज भट्ट, योगेश भट्टराई, गोकर्ण बिष्ट, पद्मा अर्याल, भीम आचार्य र टंक कार्कीले उम्मेदवारी दिएका छन् ।